Itanong mo sa mga bata

"Truly I say to you, whoever does not receive the Kingdom of God like a child will not enter it." Mk. 10:15

Magandang umaga sa inyong lahat mga kablog. Kamusta ang nagdaang linggo mo? Ako nagmovie marathon - Ginamit ko ulit ang libreng voucher at nanonood ng Bedtime Stories. Tapos kagabi pinanood ko rin ang The Little Mermaid. Mga pambatang movies, mga simpleng istorya pero kapupulutan ng aral na maiapply kahit matanda na.

Kapag natatapat akong magfacilitate sa pagbasa tungkol sa mga batang pinuri ni God ang palagi kong ginagawa ay tanungin ang mga kaBEC ko sa pagkakaiba ng mga ugali ng mga bata sa matatanda. At palagi namang top of the list ang hindi nagtatanim ng galit ang mga bata o madaling magpatawad. Naalaala ko na naman iyong mga pamangkin ko. Isang reunion namin sa Laguna habang nanonood ng High School Musical ang mga oldies sa loob ng bahay, nasa garahe naman ako at nag-oobserve sa mga pamangkin kong naglalaro. Natutuwa ako sa kanila kasi si Shinade hindi pa nakakapagsalita nang maayos noon pero nagkakaintindihan sila. Sabi ko nga sa sarili ko siguro may sariling language ang mga chikiting na ito kaya kahit parang hindi maintindihan ng mga matatanda naiiintindihan pa rin ng mga bata. Tapos, ilang sandali bigla na lang silang nagkatampuhan. Sabi ni Yaying kay AJ, "galit natin si Kyle ha." Ilang sandali lang nagkabati-bati na at naglalaro na naman sila. Ganyan silang mga bata kaya natutuwa sa kanila si God - "Truly I say to you, whoever does not receive the Kingdom of God like a child will not enter it." Mk. 10:15. Ang matatanda naman sobrang tagal magpatawad at makalimot sa mga kasalanan ng kapuwa. Mayroon pa nga patay na ang kagalit buhay na buhay pa rin sa puso ang galit. Sa totoo lang tayo ang nagsasuffer kapag nagagalit tayo. Kumikirot ang ating mga puso samantalang iyong mga kagalit natin masayang nagpapatuloy sa buhay nila. Sana ivacuum nating lahat ang galit sa ating mga puso para maging lubos ang ating kasiyahan. bow1

Isa pa sa mga characteristics nila lalo na iyong mga babies ay hindi sila nag-aaalala, sila ay worry-free. Minsang dinalaw ko ang Jamaican kong officemate na bagong panganak naremind ako ng gawain ng mga babies. Dumede, pumupu, lumingad, maligo, matulog, maglaro at kapag may requests sila gaya ng milk o gustong magpapalit ng basang diaper iiyak lang nang iiyak. Patuloy pa rin sila sa mga gawain nila magkagulo man ang ekonomiya ng buong bansa. Sana sa aking pag-iyak palitan din ni Lord ang aking diaper at bigyan ako ng mas masarap na milk... Halos lahat ng nasa investment industry dito sa Bermuda ay nahit ng bagyong economic crunch. Maraming nalugi at nagsarang companies kaya marami ring nalay-off. Palagi akong nag-iinspire ng iba every time na gumagawa ako ng blog pero this time ako naman ang dadaan sa pagsubok. Palagi ko na lang iniisip na everything happens for a reason and God knows what is best for me. Sa lahat ng mga makakabasa nito pakisama niyo naman ako sa prayes niyo pati na rin ang mga kaibigan kong nasa Dubai especially Jade. Ang prayer request namin ay more successful career this year. Maraming salamat! bow2

Kung may galit ka pa sa iyong puso, get your vacuum at higupin ang galit dahil it doesn't help you. Magkakaroon ka lang ng sakit sa puso.

Sa lahat ng nangyayari sa ating buhay, iyak (pray) lang tayo kay God at maniwala na He knows what is the best. He makes all things beautiful in His time.

Next week ulit. :-)